للعناية بالاظافر وجعلها جميلة و جذابة

مرحبا بنات كيفكم إنشاء الله كويسين
، أتمنى يعجبكم الموضوع

الأظافر شي مهم في كل بنت وسيدة من ناحية نظافتهم اولا وشكلهم ثانيا
في هالموضوع جمعت لكم كل شي عن الاظافر انشالله تستفيدون منه.
تعتبر الاظافر نوع من انواع الجلد بس مو كل الاظافر من نوع واحد
ربي سبحانه خلقها عشان تحمي الاعصاب اللي موجوده في اطراف الاصابع و تحمي من التعرض لاصابات قويه
تتكون الاظافر بشكل عام من ال keratin وهو نوع من البروتين
معدل نمو الظفر هو 1.2 مليمتر في الاسبوع
القسم العلوي من الاظفر يسمى بسرير الظفر (nail bed) كل ما كان هذا المكان مائل للوردي او الوردي الغامق دل على ان الظفر صحي وسليم وهذا يدل على صحة الدم في الجسم.
عادة الناس اللي بشرتهم فاتحة تكون اظافرهم وردية اللون , وبعض الناس تكون بنية او سوداء.
سبحان الله الاظافر تقدر تحكي عن صحة الجسم , كيف؟
انا اقولكم ، اذا كان جسمكم ضعيف تكون الاظافر ضعيفه وسهلة التكسر وفي الغالب هذا الشي يعتبر كإشارة على ان الجسم مريض وبعض الاحيان يكون خطير لا سمح الله.
النظام الغذائي اللي يكون عالي في البروتين يقدر يساعد الاظافر على النمو بشكل قوي وصحي.



مشاكل الاظافر الشائعه

الاظافر الرقيقة
عادة السبب هنا يكون من قلة الحديد في الجسم ، او مشاكل في الدورة الدموية.



[size=29]تغير اللون
هذا في الغالب يكون بسبب التدخين او صبغ الشعر ويأثر اللون على الاظافر.



الاظافر الجافه
البشره الجافه تزيد جفاف في ايام البرد وهذا ايضا يأثر على الاظافر
عشان كذا لازم في هالفتره نجيب موية دافية فيها شوي صابون ونغطس الاظافر لمدة 10 دقائق.
واذا كنتوا في مكان جدا بارد يكون احسن لو تلبسون قلوفز عشان تحمونها من الجفاف.



البقع البيضاء
اذا لقيتوها التي تطلع على الاظافر هذي تكون بسبب نقص اما في المعادن او الكالسيوم ، وعادةَ هذي البقع تطلع لما يكون الظفر اصطدم بشي وأثر عليه


الاظافرالتي بها الاخضر
في هذي الحالة يكون الظفر اخضر بسبب مرض من الفطريات ، اذا صدف ولقيتي هذا الشي في ظفرك على طووول روحي اقرب دكتور وخليه يوصف لك كريم خاص بالفطريات.



نصائح لأظافر صحية
عشان تحافظين على صحة أظافرك اتبعي هذي النصائح بحذافيرها


استعملي مزيل المناكير بحذر ولا تكثرين منه لأنه ينشف سرير الظفv والحواف وحاولي انك ما تشيلين الحواف كل يوم.

انتبهي للعلامات اللي في اظافرك سواء من احمرار حوالين الظفر او آلام او تورم ، سطح الظفر غير مسامي وينشف بسرعه ، مزيل المناكير او الاسيتون يكون ضد الموية وينشف الظفر بسرعه ، ولما ينشف الظفر تصير الموية تدخل جوا حواف الظفر وتسهل عملية التهاب حواف الظفر وبالتالي تسبب اللآلام والتورم


انتبهي من بعض المنتجات الخاصه بالأظافر ، ممكن تسبب لك طفح جلدي في الاصابع او حوالين منطقة العيون ، واغلبها هي المنتجات اللي تزيد من قساوة الظفر ، عشان كذا حاولي بعد أي شي تسوينه في اظافرك انك تغسلين يدينك كويس وتنتبهين من المنتج لما يتطاير في الهواء انو ما يجي عيونك.



لا ينصح بالأظافر الاصطناعية ، اوكي شكلها حلو بس بيقعد فتره بسيطة ، وفي هذي الفترة بيعدم لك اظافرك الصدقية وبيخربها ، المواد الكيماوية والصمغ اللي موجود فيه يعتبر خطير على الجسم وممكن يمتصه الظفر المتضرر ويؤدي لا سمح الله إلا وقوع الظفر ،والاظافر الاصطناعية هي من اهم الاسباب في ظهور الالتهاب الفطري في الاظافر
لا تاكلين اظافرك وتبلعينها قصدي وتضعفينها ، ممكن تخلين الظفر ينمو داخل الجلد ويسبب لك آلام مبرحه



طريقة العناية في الاظافر وتلوينها
بتستمتعين بأظافرك اذا كان شكلها حلو وباين انك معتنية فيها ، الاظافر الجميلة كأنها اكسيسوريز مع أي آوت فت ، الوان المناكير اللي لا تعد ولا تحصى الشايني منها والمتالك ، مع القلتر او بدونه ، تعطيك فرصة انك تعبرين فيها عن ذاتك باللون اللي تختارينه
في فكرة حلوة مره تطيل عمر النيل بولش اللي هو المناكير ، وهي انك تحطينه في الثلاجه ، لأن الحرارة تزيد من تكتله ويصعب استعماله . بس انتبهي تحطينه جمب الأكل عشان ما يتفاعل معه لا سمح الله ، حطيه في بلاستك بوكس واذا بغيتي تستعملينه طلعيه من الثلاجه حاولي تدفينه شوي بيدينك واستعمليه بعدها ، بس انتبهي ترجينه ، الرج يخلي البولش يحتك بالهواء اللي جوا ويسبب فقاقيع تخرب البولش.



مبرد الاظافر لازم يكون خشب لأن الحديد يعدم الأظفر ويسبب تكسره ، ولما تبردين الأظفر حاولي تكون الطريقه من الخارج للداخل يعني من طرف الأظفر إلى الوسط ، وباتجاه واحد يعني مو تروحين وتجين على الظفر عشر مرات لا روحي مره ووقفي وارجعي روحي مره ثانيه.
قبل ما تبدين تشيلين الزوائد والجلد الميت ، جيبي موية دافيه شوي وفيها صابون وغطسي اظافرك لمدة 10 دقائق وبعدين نشفيها بفوطة صغيرة خاصة وابدي فيها.




الكولكشن هذي مره حلوة فيها كل شي لازم كل بنت يصير عندها زيها
استعملي المبرد الصغير الخاص بالحواف عشان تدفعين الحواف لفوق وتقدرين تشيلينها بسهوله.
استعملي مقص الحواف الصغير وقصي الجلد الميت بس انتبي تقطعين جلدك الصاحي واذا صار لا سمح الله على طوول طهريها بألكوحول سواب او غسليها صابون او رشي بيرفيوم.



وبعد ما تخلصين من بردها وقصها على حسب الشكل اللي تبينه سواء سكوير او راوند حطي لوشن على يدينك وطري الأظافر شوي ، ومتى ما نشف اللوشن وتأكدتي مافيه بقايا ، استعملي البولش " المناكير".

التلوين
لما تلونين الأظافر ، اول شي حطي بولش شفاف واستني ينشف ، وبعدين حطي 3 طبقات من البولش اللي تبينه ، وبعدين ارجعي مره ثانيه حطي الشفاف ، وكل 4 ايام حطي الشفاف يقعد معاك اللون لمدة اسبوعين وزيادة ،لأنه يساعد اللون الأساسي على الاستمرار واللي بيتقشر بيكون الشفاف بس.
واستعملي السبريتور لأصابع الأقدام عشان ما تحوسين رجولك




شكل الأظفر

المربع الحاد الزاويا
هذا النوع دارج كثير ومرره ترندي ، وشكله مرة حلو بالنسبة لي انا افضله كثير
وشكله حلو على الأظافر القصيرة والطويلة كمان



الطويل البيضاوي الشكل
هذا النوع من الأظافر شكله حلو بس تتكسر الأظافر بسرعه ، ويصعب الكتابة على الكيبورد



الدائري القصير الشكل
حلو للبنت اللي تبي شي ناتشورال وحق كل يوم ، وما يتعب كثير في البولشنق والبرد



اما بالنسبة لأظافر الأقدام
دائما يفضل انها تكون قصيرة ودائرية عشان ما تصطدم بالحذاء وانتوا بكرامه وتسبب الإلتهابات.

اتمنى الموضوع عجبكم واستفدتوا من النصائح ،